भारत की संस्कृति के लिए... भाषा की उन्नति के लिए... साहित्य के प्रसार के लिए
बचपन / अशोक शुभदर्शी
Kavita Kosh से
Rahul Shivay (चर्चा | योगदान) द्वारा परिवर्तित 10:06, 23 जून 2017 का अवतरण ('{{KKGlobal}} {{KKRachna |रचनाकार=अशोक शुभदर्शी |अनुवादक= |संग्रह=ज...' के साथ नया पृष्ठ बनाया)
बच्चा स्कूल जाय छै
पीठी पर लादी केॅ बस्ता
जेना कि गधा हुअे ऊ
धोबी केॅ
लादी केॅ अपनोॅ भविश्य
अपनोॅ बस्ता में बच्चा
स्कूल सें लौटै छै बच्चा
अपनोॅ खाली दिमागोॅ में
आरो खाली कापी में
कुछ्छु-कुछ्छु भरी केॅ
धोबी केॅ गधा लौटै छै जेना
घाटोॅ सें
धोबी कें भींगलोॅ कपड़ा लैकेॅ
बच्चा झुकी क चलै छै सड़कोॅ पर
आवै वाला जमाना के भार,
जेना कि
डाली देलोॅ गेलोॅ छै बच्चा पर स्कूली में
बचपन खोय जाय छै
बच्चा केॅ स्कूल जाय आरो
स्कूली सें आवै में
कहीं नै मिलै छै ओकरा संरक्षण
अपनोॅ बचपन बचावै केॅ।
