जबेॅ तोंय
एक बांस आरो ऊपर होय जैभोॅ
तबेॅ तोरा देखाय पड़थौं
हमरोॅ बौनापन
कि हम्में कŸोॅ छोटोॅ होय गेलोॅ छियै तोरा सें
कि हम्में आँख उठाय केॅ भी
तोरा देखेॅ नै पारौं
हमरा अचरज होय छै
हम्मीं तोरा बनैलिहौं
आरो हम्मी अŸोॅ छोटोॅ केनां होय गेलियै
ऐ हमरोॅ आपनोॅ
बाढ़ सें उबडूब
पानी में सड़ी रहलोॅ फसल रोॅ
नमस्कार स्वीकारोॅ
बाढ़ोॅ में भांसी रहलोॅ लोगें
तोरा बोलाय छौं
नांगटोॅ सड़क पर खाड़ोॅ
आपनोॅ कानतें-बिलखतें बुतरू साथें
पानी, कादोॅ, कीचड़ में सनलोॅ हाथें
तोरा खोजै छौं ?
उपरोॅ सें नीचें
जमीनोॅ पर आपनोॅ गोड़
कहिया धरभेॅ तोंय ?
यहू हालतोॅ में जबेॅ कि
हम्में जानै छियै, तोंय नै एैभेॅ
हमरोॅ नमस्कार स्वीकारोॅ।