भारत की संस्कृति के लिए... भाषा की उन्नति के लिए... साहित्य के प्रसार के लिए
हिनका ऊबारोॅ / अनिरुद्ध प्रसाद विमल
Kavita Kosh से
Rahul Shivay (चर्चा | योगदान) द्वारा परिवर्तित 11:53, 23 जून 2017 का अवतरण ('{{KKGlobal}} {{KKRachna |रचनाकार=अनिरुद्ध प्रसाद विमल |अनुवादक= |स...' के साथ नया पृष्ठ बनाया)
सुरजोॅ के तापोॅ सें
धरती के छाती
जेनाकि तपै छै
होनै केॅ
यै धरती के बेटा किसान
महाजनोॅ के सुरजोॅ सें
जली रहलोॅ छै
छन छन
जर्जर प्राण
मुख अम्लान
सुखलोॅ ठोरोॅ पर ओकरोॅ
छै फिक्का मुस्कान
सुनोॅ
धरती केॅ कोड़ी
जें जीवन उपजाबै छै
हुनका उठाबोॅ
सुरजोॅ के तापोॅ सें हुनका उबारोॅ
जे जन मन के प्राण छेकै
जेकरोॅ कोय ठिकानोॅ नै छै
हमरा ऐतना कहना छै
कवि सिनी सें
कविता लिखोॅ
मतुर कि हिनकै लेॅ
जे मरै छै सभ्भै लेॅ
सगरे लेॅ ।
