भारत की संस्कृति के लिए... भाषा की उन्नति के लिए... साहित्य के प्रसार के लिए
मुकरी / कैलाश झा ‘किंकर’
Kavita Kosh से
Rahul Shivay (चर्चा | योगदान) द्वारा परिवर्तित 22:39, 25 जून 2017 का अवतरण ('{{KKGlobal}} {{KKRachna |रचनाकार=कैलाश झा ‘किंकर’ |अनुवादक= |संग्र...' के साथ नया पृष्ठ बनाया)
पीयै बीड़ी मांगै सिगरेट
सबदिन गमछा आय ब्रासलेट
उछलै कूदै पँच-पँच हाथ
की सखि दुल्हा ?
नै बारात।
आबै छै तेॅ स्वर्गे लागै
कामदेव भी मन केॅ जागै
मह-मह महकै फूल अनन्त
की सखि साजन ?
नहीं बसन्त।
रात-रात भर नीन्द उड़ाबै
ओकरा कारण चैन नै आबै
खाना-पीना सब बेकार
की सखि चिन्ता ?
नै सखि प्यार।
महकै छै से दुनिया जानै
दिग्गज भी पाबै लेॅ ठानै
लागै जेना कोनो शबाब
की सखि दारू ?
नहीं गुलाब।
