भारत की संस्कृति के लिए... भाषा की उन्नति के लिए... साहित्य के प्रसार के लिए
तरसी-तरसी रे / मथुरा नाथ सिंह 'रानीपुरी'
Kavita Kosh से
Lalit Kumar (चर्चा | योगदान) द्वारा परिवर्तित 13:29, 10 जुलाई 2017 का अवतरण ('{{KKGlobal}} {{KKRachna |रचनाकार=मथुरा नाथ सिंह 'रानीपुरी' |अनुवाद...' के साथ नया पृष्ठ बनाया)
ई आजादी कहर मनावै
सगठें भपसी-भपसी रे
खुद्दन डालै, तार चुराबै
सगठें लकसी-लकसी रे।
गुम्मी साधै, आँख गड़ावै
लार चुवावै लपसी रे
चौक-चौराहा पिल्लू सनमन
देखै तरसी-तरसी रे।
हाथ मलै कोय ताली ठोकै
आँखी देखै बरसी रे
झूठे करै छै खीचा-तानी
भरै छै बोरसी-बोरसी रे।
कसम इरादा झूठे वादा
थरिया लै छै परसी रे
‘रानीपुरी’ द्वेष मिटावऽ
नेक बदरिया बरसी रे।
