भारत की संस्कृति के लिए... भाषा की उन्नति के लिए... साहित्य के प्रसार के लिए
तिम्रो जन्ममुहूर्त / भीमदर्शन रोका
Kavita Kosh से
Sirjanbindu (चर्चा | योगदान) द्वारा परिवर्तित 16:16, 23 जुलाई 2017 का अवतरण ('{{KKGlobal}} {{KKRachna |रचनाकार= भीमदर्शन रोका |अनुवादक= |संग्रह=घ...' के साथ नया पृष्ठ बनाया)
तिमी नाचिरहेछौ
तिम्रो नाच
एक विशाल भवन
छन्जहाँ मुद्रा र हजारौँ हातहरु
खुट्टैखुट्टा र स्तम्भैस्तम्भहरु
फन्कैफन्काहरु
कोठैकोठाहरु
भरिएको छ भवन झ्यालैझ्याल, ढोकैढोकाहरुले
देखिन्छ भित्रभित्र
डोर्याई लैजान्छ भित्रैभित्र
अटाएका छन् जहाँ हजारौँ मानिसहरु
लाखौँ कम्पन र तरल तरङ्गहरु
हे सृजना !
हे पानी–लहर !
तिम्रो किनार किनारमा
गाउँगाउँ र शहरैशहरहरु
हे नेपाली नदीका भुल्का हो !
यो तिम्रो जन्ममुहूर्त
आज तिम्रो जन्मदिन !
