माही / अविरल-अविराम / नारायण झा

कच्छी कसि
चलि चुकल छथि
मलाह लोकनि
हियासि रहल छथि
धार-पोखरि, खत्ता -खुत्ती
चभच्चा आ डबरा दिस
लगैए माही केर समय
आबि चुकल।

ओ लोकनि
बंद कs देने छथि
जाहि पर माछ फौदायल
खोराकी फेकब
पुसटाय देनाइ
लगैए माही केर समय
आबि चुकल।

कान्ह पर बंशी लेने केयो
केयो गांज सs
लगबै छथि भांज अड़बैक
ठाम-ठीम टहुकी लगबैक
देखैत जोगार
केयो तियरि लगबै लेल
केयो टाएप सs छपै लेल
छथि तैयार
नब-नब जाल तैयार
बनाबटि तानी-भरनीक
एहेन जे
बझिये जाएत सभ रंगक माछ
लगैए माही केर समय
आबि चुकल।

एक-दोसरक जाल देखि
क' रहल छथि अपन जाल तैयार
महाजालो भs गेल तैयार
सभ अँखियाइस रहल छथि
एक-दोसरक जालफेक कला दिस
नहि बचि पाओत कोनो माछ
लगैए माही केर समय
आबि चुकल।

कविता कोश रंगोली

रचनाकारों की सूची

टाइपिंग टूल्स

फ़ॉन्ट परिवर्तक

विधाएँ

संकलन

अनुवाद

काल-आधारित

लोकगीत

विषय

प्रादेशिक कविता कोश

अन्य महत्त्वपूर्ण पन्ने

दिक्चालन सूची

दर्शाव

वैयक्तिक औज़ार

माही / अविरल-अविराम / नारायण झा

» संकलन

» अनुवाद

» विभाग

» प्रादेशिक कविता कोश

» अन्य महत्त्वपूर्ण पन्नें

खोज

साधन पेटी

इस पन्ने को शेयर करें

हमसे जुड़ें

कविता कोश

सर्वर होस्टिंग