राम-लीला गान / 38 / भिखारी ठाकुर

प्रसंग:

मिथिला की परिचारिकाएँ राम के रूप से इतनी प्रभावित हैं कि उन्हें जनकपुरी में रखकर उनकी सेवा करना चाहती हैं।

अब कबहूँ ससुरार से मत जा अवध भगवान। अब कबहूँ...
स्याम-गौर छवि निरखि करब हम नित चरनोदक-पान। अब कबहूँ...
लालसा लागल बा जे धोती फींचब हम, निज करवा के असनान। अब कबहूँ...
कइसे कहीं कहे आवत नइखे, अवहीं बा उमर नदान। अब कबहूँ...
कहत ‘भिखारी’ सारा जग जानल, मिथिला के भइलऽ मेहमान। अब कबहूँ...