भारत की संस्कृति के लिए... भाषा की उन्नति के लिए... साहित्य के प्रसार के लिए
झण्डा फहराइरहेछ / विमल गुरुङ
Kavita Kosh से
Sirjanbindu (चर्चा | योगदान) द्वारा परिवर्तित 10:16, 27 मार्च 2018 का अवतरण ('{{KKGlobal}} {{KKRachna |रचनाकार= विमल गुरुङ |अनुवादक= |संग्रह= }} {{KKCatK...' के साथ नया पृष्ठ बनाया)
झण्डा फहराइरहेछ
घडीको काँटा
कबिता गुन्गुनाउँदै सडक हिंडिरहेछ
बतास चलिरहेछ
टेलिफोनको पोलमाथि
हँसिया र हतौंडाको रातो झण्डा फहराइरहेछ
आकाशलाई रातले हिर्काइरहेछ
आकाशको आँखाभित्र पिडापूर्ण आँसुको
एउटा पोखरी बनिरहेछ
मञ्जुश्री खड्गले पोखरी भत्काइरहेछ
आहा ...
कति गौरबसाथ हाम्रो झण्डा
फरर ... फरर ...
शीतल हावाहरुबिच
फहराइरहेछ ।
यो झण्डाका लागि कतिले रगत बगाएका थिए
कतिले पसिना जन्माएका थिए
कतिले मृत्युको राज्यमा गएका थिए
झण्डा फहराइरहेछ
दिल अभुतपूर्ब उमङ्गले लहराइरहेछ
झण्डा फहराइरहेछ ।
नीमपत्तीका पातहरु मादल बजाइरहेछन्
खोलबाट क्यामेरा निकालेर
आकाश हाम्रो फोटो लिइरहेछ
लिइरहेछ फोटो झण्डाको पनि
आकाशको घाउ चहराइरहेछ
झण्डा फहराइरहेछ ।
