भारत की संस्कृति के लिए... भाषा की उन्नति के लिए... साहित्य के प्रसार के लिए
बूंण मिन् बणै / तोताराम ढौंडियाल 'जिग्यांसु'
Kavita Kosh से
Abhishek Amber (चर्चा | योगदान) द्वारा परिवर्तित 15:33, 9 अप्रैल 2018 का अवतरण ('{{KKGlobal}} {{KKRachna |रचनाकार=तोताराम ढौंडियाल 'जिग्यांसु' }} {{KKCat...' के साथ नया पृष्ठ बनाया)
हौर्यूं कि मिं नि जण्दो
पर् यो बूंण मिन्नीं बणै!
भले हि एक 'मेलि' बि नि बूति!
पौल बि नि रोपि!
पाणि बि चारो!
क्यारि बि नि गोडि!
बूंण-जंगल त् सृष्टि काला कै छीं!
डाला; मेरि उमर से बि बड़ै छीं!!
अपणि खांणि-मंगणि से धितेल्या!
तुमरो बि अपंण खीसुन्द् बटि कुछ्छु नि जांणू!
संचार माध्यमूंम् लूंण-मर्च चटबट्टो कैद्या!!
तुम्वीं छौ म्यार् ब्वै-बाब!
ठकुरो या! तुमरि खुट्यूँ मुन्ड धर्यूं!!
अन्तर्राष्ट्रिय पुरस्कार दिवैद्या!
