स्वागत गीतिया गूँज रहल / दीनबन्धु

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

दीनबन्धु »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

स्वागत गीतिया गूँज रहल, बगिया में गलिया गलिया।
डलिया आमा के बइठलहे, नाँचे ठुमुक फुदुक कोयलिया॥
आज बसंत वर साफा बँधले, मउरी पेन्हले आमा मंजरा,
मौलसिरी गेन्दा पलास हे, ठाढ़ लेले फुलवन के गजरा,
सहजन चौर डोलावे विहँसे, सहनाई धथुरा मातल बोलिया।
कोलिया खिरकी से हे हुलक रहल, हिरनी सुगनी के ठोलिया॥
धरती सजधज बनल दुलहिनियाँ, घुँघटा घघरा रंग बिरंगा,
इन्दर मुँह से लार गिरे, देखे जउ जउ ई रूप के गंगा,
सउँसे जग हे नाँच रहल, ले ढोल डंफ माँदलिया।
बलिया गोहुमा जो रहड़ी के झूमे, झूमे फलिया कलिया॥
परकिरती हे पहिर चुनरिया, गोटा बूटा साजल फुलवा,
सगरो मँह मँह सगरो चुह चुह, अँगना बगिया लगल हे झुलवा,
आके दुअरिया बइठल सजना, लेके लहंगा चोलिया।
डोलिया कहरा बएरी झूम रहलहऽ, कइसन अगल बगलिया॥