तनी तनो / मथुरा प्रसाद 'नवीन'

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

मथुरा प्रसाद 'नवीन' » आखिर कहिया तक »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

समय के उखड़ खाबर
अगर रिस्ता
करै के हो बराबर
तब तनी तनो,
समय आ गेलो हे
दिन नै गिनो
तोहर मन,
इहे तो हो
धरती के धन
तोरे मन पर
उगऽ हे घास,
तोर टंगल है
दुनियाँ भर के विस्वास
तोहर मन
लोहा के जवाब हो,
तोरा सामने
न कोय राजा
न नवाब हो
तों अपना के हीन समझऽ हा,
शत्रू के संगीन समझऽ हा
खाली हहर गेला हे,
राह में
चलते-चलते ठहर गेला हे
खुद चलो,
अउ दोसरो के चलबो,
फेर से
आजादी के मसाल जलबो
लड़ो,
जइसे लड़ला हल
बढ़ो
जैसे बढ़ला हल।