भारत की संस्कृति के लिए... भाषा की उन्नति के लिए... साहित्य के प्रसार के लिए
कूकड़ी सूत काचैरी / मोहम्मद सद्दीक
Kavita Kosh से
आशिष पुरोहित (चर्चा | योगदान) द्वारा परिवर्तित 17:32, 14 जून 2018 का अवतरण ('{{KKGlobal}} {{KKRachna |रचनाकार=मोहम्मद सद्दीक |अनुवादक= |संग्रह=...' के साथ नया पृष्ठ बनाया)
कूकड़ी सूत काचैरी
धावरो मोल करवालै
डगर है डोर चरखै री
मजलरी तोल करवालै
ताकळो है घणो तीखो
मिनख री जूण बिलमालै
बैठज्या। सूत सुळझालै।
चणै कद भाड़ फोड़ी है
गादड़ां गांव कद लूटया
मिनख री आंख फोड़ी है
फलकरा चांद कद टूट्या
चींतणो छोड चीखतो रै
जीतणो त्याग हार तो जा।।
ठिठकतो जा टसकतो रै
सरकतो जा सिसकतो रै
निवड़तो जा तरसतो रै
बिडरता जीव कुण पालै
बैठज्या सूत सुळझालै
बिलखती जूण बिलमालै।।
बिखरतो जा बिगसतो रै
उमसतो जा उमंगतो रै
निसरतो जा निखरतो रै
डगर सब डोर चरखै री
मजल रो मोल करवा लै।
