भारत की संस्कृति के लिए... भाषा की उन्नति के लिए... साहित्य के प्रसार के लिए
मा (चार) / राजेन्द्र जोशी
Kavita Kosh से
आशिष पुरोहित (चर्चा | योगदान) द्वारा परिवर्तित 22:13, 24 जुलाई 2018 का अवतरण ('{{KKGlobal}} {{KKRachna |रचनाकार=राजेन्द्र जोशी |अनुवादक= |संग्रह=...' के साथ नया पृष्ठ बनाया)
कीं भोळावण नीं देयग्या
जावण सूं पैली म्हारी मा नै
म्हारा बापूजी।
बै कदैई दुखी नीं होवता
पछै इतरा बेगा क्यूं गया?
नीं समझ सकी बापूजी री मा।
म्हारी मा नीं रोय सकी
बापूजी रै जावणै माथै
बापूजी री मा, नीं रोवै, इण खातर।
काळजै लगा लीनो म्हनै रातूं-रात
अबै थूं ई है डीकरा म्हारो लिछमी रो नाथ
दूणी सरधा रै सागै फेर दीनो
म्हारै माथै आपरो हाथ
अबै म्हैं हूं बापू री मा रो डीकरो
नीं थनै दुखी होवणो
अर
नीं म्हैं दुखी रैवूं, थारा मा-बापू हूं म्हैं।
