बिहाणा नूत के गीत / 1 / राजस्थानी

राजस्थानी लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

ए सा पान सुपारी ढोढ़ सो जी थे तो द्यो विनायक जी घर नूतो।
बेगा बेगा म्हारे आवज्यो जी।
म्हे तो द्या विनायक जी घर नूतो सूरजजी घर नूतो।
चंदरमाजी घर नूतो। बेगा बेगा म्हारे आवज्यो जी।
आइज्यो विनायक म्हारे रिद्ध-सिद्ध करबा आइजो।
सूरजजी चंदरमाजी म्हारे जग में ऊगण आइजो म्हारे आंगणे।
आप घोड़लड़े राणा हो पालकड़े जी छोटा-मोटा बैठ सिंगासण।
थांका भाई भतीजा बैठ सिंगासण आइज्यो म्हारे आंगणे।
ए सा पान सुपारी ढोढ़ सो जी थे तो द्यो विनायक जी घर नूतो।
बेगा बेगा म्हारे आवज्यो जी।
बाबा सा म्हारे जान सिणगारण आइज्यो।
काकाजी म्हारे जान सिणगारण आइज्यो।
बीरासा म्हारे जान सिणगारण आइज्यो म्हारे बारणे।
आप घोड़लड़े राणा हो पालकड़े जी थारा भाई भतीजा बैठ।
रिद्ध-सिद्ध आइज्यो म्हारे बारणे।
ए सा पान सुपारी ढोढ़ से जी म्हे तो द्या नानाजी घर नूतो।
जी मामाजी घर नूतो बेगा-बेगा आज्यो म्हारे बारणे।
मामा सा म्हारे माहेरो पहरावण कारण आइज्यो...
फूफाजी म्हारे काग उडावण आइज्यो जी।
आप घोड़लड़े राणा हो पालकड़े जी थांका छोटा मोटा।
घाल खच्चर में आइज्यो म्हारे बारणे जी।