बधावा / 8 / राजस्थानी

राजस्थानी लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

ऐ मोती समदरिये में निपजे, सोवेला इन्दरलाल जी रे
कान बधावो जी म्हारे आइयो
भाग बड़ो छै जी म्हारी सासू को जाया छै देवर-जेठ
बधावो जी म्हारे आइयो
आमा तो सामा जी म्हे बस रह्या लडस्यां, म्हे तो बांहे पसार,
कान बधावो जी म्हारे आइयो
ओसर, मोड्यो म्हे तो रूसणो, मोसर लवेला मनाय,
कान बधावो जी म्हारे आइयो
भाग बढ्यो छै जी म्हारी माय को, जाया छै कानूडा-सा बीर,
बधावो जी म्हारे आइयो
जाया देसीजी म्हाने कापड़ा परण्याजी धोबड़ बेस,
बधावो जी म्हारे आइयो
वारी तो जाऊं जी सासूजी थांकी कूख ने, जाया छै देवर-जेठ
बधावो जी म्हारे आइयो
वारी जी वारी बहू थारी, जीभ ने, बखानो सो परिवार
बधावो जी म्हारे आइयो।