बधावा टूट्या का / राजस्थानी

राजस्थानी लोकगीत   ♦   रचनाकार: अज्ञात

लोकगीतों की भाषा चुनें अवधी कन्नौजी कश्मीरी कुमाँऊनी खड़ी बोली गढ़वाली गुजराती गोंड छत्तीसगढी निमाड़ी पंजाबी बाँगरू बांग्ला बुन्देली ब्रजभाषा भदावरी भोजपुरी मगही मराठी माड़िया मालवी मैथिली राजस्थानी संथाली संस्कृत हरियाणवी हिन्दी हिमाचली देखें

सवारे पेलो बधावो म्हारे आवियो, मेल्यो म्हार बाबासारी पोल पखेरू।
सोनारी दांडी दियो बल, बाबाजी बहोत मया करी।
सवारे दिनी म्हान धरम परणाय।
सवारे दूजो बधावो म्हारे आवियो, मेल्यो म्हारा बीराजी री पोल पखेरू।
सोनारी दांडी दियो बल, बीराजी बहोत मया करी।
दिनी म्हान चुंदड़ल्या ओढ़ाय।
सवारे इगन्यो बधावो म्हारे आवियो, मेल्यो म्हारा सुसराजी री पोल पखेरू।
सोनारी दांडी दियो बल, सुसराजी म्हारा बहोत मया करी।
सवारे दिनो म्हान गढ़ तिलडी को राज पखेरू।
सोनरी डांडी दियो बल।
सवारे चौथे बधावो म्हारे आवियो, मेल्यो म्हारा जेठजी री पोल पखेरू।
सोनारी दांडी दियो बल, सवारे जेठजी बहोत मया करी।
सवारे दिनो म्हान आधो माल पटाय पखेरू।
सोनारी डांडी दियो बल।
सवारे पांचवो बधावो म्हारे आवियो, मेल्यो म्हारा सायबजी री पोल पखेरू।
सोनारी दांडी दियो बल, सवारे सायबजी बहोत मया करी।
दिनो म्हाने सरब सवाग पखेरू, सोनारी दांडी दियो बल।