भारत की संस्कृति के लिए... भाषा की उन्नति के लिए... साहित्य के प्रसार के लिए
मीता / गंग नहौन / निशाकर
Kavita Kosh से
Jangveer Singh (चर्चा | योगदान) द्वारा परिवर्तित 02:19, 19 सितम्बर 2018 का अवतरण (' {{KKGlobal}} {{KKRachna |रचनाकार=निशाकर |अनुवादक= |संग्रह=गंग नहौन...' के साथ नया पृष्ठ बनाया)
मीता
के देत एहन समयमे
एक लोटा जल
बैसऽ लेल खटिया
आ बाजत टूटा मधुर बोल?
मीता
के खुनबाओत नहरि
एहि ठेठ देहातमे
इन्दिरा आवास योजनासँ
के बनबाओत पजेबाक मड़ैया?
मीता
के आनत बसन्त
सरिसोक फूल
कोइंलीक बोल
फगुआक तान
नवयौवनक नैसर्गिक मुस्कान?
मीता
के समझाएत
गीताक ऋचा
वात्स्यायनक कामसूत्र
राजकमलक मुक्तिप्रसंग?
मीता
के लिखत
चतुर्भुज स्थान
काशी
आ सोनागाछीक वेदना?
