भारत की संस्कृति के लिए... भाषा की उन्नति के लिए... साहित्य के प्रसार के लिए
किछु प्रश्न / गंग नहौन / निशाकर
Kavita Kosh से
Jangveer Singh (चर्चा | योगदान) द्वारा परिवर्तित 02:38, 19 सितम्बर 2018 का अवतरण (' {{KKGlobal}} {{KKRachna |रचनाकार=निशाकर |अनुवादक= |संग्रह=गंग नहौन...' के साथ नया पृष्ठ बनाया)
बेर-बेर
टहकैत अछि माथ
घुरिआइत अछि
किछु प्रश्न।
किएक होइत छैक?
बुचियाक संग बलात्कार
कनियाँक संग करैत अछि किछु लोक
रंडी सन व्यवहार
किएक जनमैत अछि इमराना
दिन-राति
किएक करैत अछि आत्महत्या
कर्जमे डूबल किसान
किएक देखबैत अदि आतंकवादी
एत्तेक दुस्साहस।
किएक अधिआएल अछि
समलैंगिताक फैशन
बिकाइत अछि
ब्लू-फिलमक कैसेट-सी.डी.
बढ़ैत अछि
देहक दलाल
भऽ रहल छथि मीरा
सभठाम हलाल।
जनमि नहि सकलाह बुद्ध
एक बेर फेर
किएक ने बनल ताजमहल
बेर-बेर।
