नया नगर बसाईं जा / हरेश्वर राय

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

हरेश्वर राय »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

उ घर, घर ना ह जवना प कवनों छानी ना होखे
उ नैन कइसन, जवना में कवनों पानी ना होखे I

दाम्पत्य के देवाला निकले में इचिको देर ना लागे
त्याग-समरपन के राही जदि दुनों परानी ना होखे I

दिल के अइसन सिंघासन के का मतलब हरेशवर
जवना प बइठल कवनों रानी-महरानी ना होखे I

ओह जिनिगिया के कीमत दू कौड़ी के रहि जाला
जवना में चानी काटे के कवनों कहानी ना होखे I

अब चलीं सभे चलीं जा एगो नया नगर बसाईं जा
जहाँ खाली प्यारे-मोहब्बत होखे शैतानी ना होखे I