भारत की संस्कृति के लिए... भाषा की उन्नति के लिए... साहित्य के प्रसार के लिए
बाटै गोड़ घहरात / जगदीश पीयूष
Kavita Kosh से
Sharda suman (चर्चा | योगदान) द्वारा परिवर्तित 10:55, 28 फ़रवरी 2019 का अवतरण ('{{KKGlobal}} {{KKRachna |रचनाकार=जगदीश पीयूष |अनुवादक= |संग्रह= }} {{KKCat...' के साथ नया पृष्ठ बनाया)
बाटै गोड़ घहरात।
झूरै पेट बा पिरात॥
पाका पिरकी भये हमरे दवाई नाहीं बा।
हमका रामौ जी के घर सुनवाई नाहीं बा॥
पिया गये परदेस।
आवा कल्हिया सनेस॥
घरे भेजैं काव तनिको कमाई नाहीं बा।
हमका रामौ जी के घर सुनवाई नाहीं बा॥
कहां जाई काव खाई।
तुहीं बोला गंगा माई॥
तोहरे गोड़वा म फाटा थै बिवाई नाहीं बा।
हमका रामौ जी के घर सुनवाई नाहीं बा॥
ताकै छिनरा मोहार।
लागी केकरी गोहार॥
हियां जबरा के घरे भौजाई नाहीं बा।
हमका रामौ जी के घर सुनवाई नाहीं बा॥
