भारत की संस्कृति के लिए... भाषा की उन्नति के लिए... साहित्य के प्रसार के लिए
सुनौ हो भइया हमहू देखेन / सुशील सिद्धार्थ
Kavita Kosh से
Sharda suman (चर्चा | योगदान) द्वारा परिवर्तित 11:21, 28 फ़रवरी 2019 का अवतरण ('{{KKGlobal}} {{KKRachna |रचनाकार=सुशील सिद्धार्थ |अनुवादक= |संग्रह...' के साथ नया पृष्ठ बनाया)
सुनौ हो भइया हमहू देखेन
सपना एकु अनोखा!
मेहनति की माया ते चमका
घर दुआरु चउबारा
लूटि फूंकि औ धांधागरदी
ह्वै गे नौ दुइ ग्यारा
लाला अब ना डंडी मारैं
नेता देइं न धोखा!
छ्वाट मुलुक ते बड़ा न ब्वालै
हथियारन कै बोली
गै बिलाय धरती पर ते
खउआबीरन कै टोली
आंगन मा यतना सुख उमगा
हमते जाइ न जोखा!
मौसम आपन रंग देखावै
फसिलि छमाछम नाचै
कउनौ जोगी गल्लिन गल्लिन
ढाई आखर बांचै
दसौ दिसा मा नयी भोर कै
गीतु गूंजिगा चोखा!
