नै भेटतौं मौका हो / ब्रह्मदेव कुमार

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

ब्रह्मदेव कुमार »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

पढ़ी लेॅ-पढ़ी लेॅ काका हो, फेरु नै भेटतौं मौका हो।
फेरु नै भेटतौं मौका हो काका, फेरु नै भेटतौं मौका हो।।

बेटा तोरोॅ परदेश खटै छौं, रूपया-पैसा भेजथैं रहै छों।
दसखत कराय लेॅ खुशामद करै छौं, करै छोॅ आगू-पीछू हो।।

जैभोॅ ब्लौक कोनोॅ काम जे होथौं
बिन दसखत के बातोॅ नै सुनथौं।
सतरह गोटा के खुशामद करभोॅ, देतौं सभ्भैं तोरा धोखा हो।।

पढ़लोॅ-लिखलोॅ के जमाना ऐलै, बिन पढ़लेॅ कोय कामोॅ नै भेलै।
रसीद काटी केॅ देथौं करमचारी, लै लेथौं बेसी टाका हो।।

ऐथौं चिट्ठी तेॅ आपनै पढ़िहोॅ, आपन्है लिखी-लिखी भेजबोॅ करिहोॅ।
हँसलोॅ तों जैहोॅ डाकघर काका, छोड़ाय लिहोॅ पैसा-टाका हो।।

घर-घर में स्कूल चलै छै, गाम्हैं के पढ़ुआं पढ़ैबोॅ करै छै।
तनिक समय में बहुते पढ़ैतों, लेथौं नै पैसा-टाका हो।।