भारत की संस्कृति के लिए... भाषा की उन्नति के लिए... साहित्य के प्रसार के लिए
उछल के धरऽ गियारी हो / जयराम दरवेशपुरी
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 00:01, 10 जून 2019 का अवतरण ('{{KKGlobal}} {{KKRachna |रचनाकार=जयराम दरवेशपुरी |अनुवादक= |संग्र...' के साथ नया पृष्ठ बनाया)
चेत चलऽ चेतऽ हाली
उछल के धरऽ गियारी हो
इचना पोठिया बनल हो गेलो
अब तू बनऽ बोवारी हो
लइन में बइठल
हो गुम्मे बड़का हो खुरफाती
जने नजर जाहे तन्ने
मिले हे बगुला पाँती
सोंचऽ ही कि सम्हल के रहिहा
अबरी दाव करारी हे
बनऽ केकोड़ा हाली भइया
बगुला गर्दन में लटकऽ
आश लगइले हो चककइके
ओकरा फुर्ती सन पटकऽ
अड़बड़ कइलको ढेर दिना से
सब कसर चुकाना करारी हो
करनी के फल पइतइ बगुला
ऊँच नीच ब सूऽ लगतइ
राह के रोड़ा साफ होतइ तब
गुदगरकन भी बूझऽ लगतइ
छोट स्वार्थ में रूकऽ न भइया
रूके में घाटी भारी हो।
