भारत की संस्कृति के लिए... भाषा की उन्नति के लिए... साहित्य के प्रसार के लिए
दाव बत्तीसा जानऽ ही / जयराम दरवेशपुरी
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 15:53, 11 जून 2019 का अवतरण ('{{KKGlobal}} {{KKRachna |रचनाकार=जयराम दरवेशपुरी |अनुवादक= |संग्र...' के साथ नया पृष्ठ बनाया)
अइंठ के बइठल घुरची के हम
मुक्का मार छोड़ाबऽ ही
ठहर तनी हम आवऽ ही
झार झपेट गोहार देखलिअइ
ही फट्ट संसार देखलिअइ
दू के बीच लड़ाबे वाला
बइठल हम सरदार देखलिअइ
तोरे कहल कहानी पर हम
अप्पन कलम चलावऽ ही
डेग-डेग पर चूल्हा जोरल
चुटकवन के घर हे फोरल
गुदगरकन के जहर हे घोरल
अइसन तीन तसियन गर्दन पर
तेग चलावे आवऽ ही
मुँह से मीत बना कर के
धुरफंदी घोड़ा घुमा कर के
अँखिया धूल उड़ा करके
बुड़बक बनवे हमां सुमा के
छक्का छोड़वे आवऽ ही
कत्ते घर ओरिअइले देखलूं
ढेर के हम जोरिअइते देखलूं
उक्का आग लगइते देखलूं
आलू सन सिझइते देखलूं
ओखनिन के हम जानऽ ही
नारद हो लड़इतो तोहरा
धासन बीच गिरइतो तोहरा
घुड़की खूब देखइतो तोहरा
चललइ से चललइ न´ चलतइ
दाव बतीसा जानऽ ही।
