Last modified on 11 जून 2019, at 16:01

निरवन करबइ कांटा-कूसा / जयराम दरवेशपुरी

सशुल्क योगदानकर्ता ५ (चर्चा | योगदान) द्वारा परिवर्तित 16:01, 11 जून 2019 का अवतरण ('{{KKGlobal}} {{KKRachna |रचनाकार=जयराम दरवेशपुरी |अनुवादक= |संग्र...' के साथ नया पृष्ठ बनाया)

(अंतर) ← पुराना अवतरण | वर्तमान अवतरण (अंतर) | नया अवतरण → (अंतर)

घेरले कहाकट अन्हरिया
लइबइ घर-घर नया इंजोरिया
उड़ गेल होस हवास अउ निनियाँ
रतिया भूखल हलिअइ ना!

मर-मर खेत कमइलूं सब दिन
एक्को तिल न´ मिलल अराम
घाम पसेना में लथपथ हे
डूबल हलिअइ ना

माथा धइले हल सिधमानी
बुतरून भूखल करइ अनोर
झूठ-मूठ बहलावइत रहलूं
भूलल हलिअइ ना

पेट जरे हे ओक्कर जे हे
दुनिया के मुस्कान
ओकरे पर हे गाज गिरावे
चूकल हलिअइ ना

अब धधकऽ हे मगज इंगोरा
फड़के बहियाँ ना
निमखन करबइ कांटा कूसा
सूतल हलिअइ ना।