भारत की संस्कृति के लिए... भाषा की उन्नति के लिए... साहित्य के प्रसार के लिए
खइला से खइला / जयराम दरवेशपुरी
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 00:21, 12 जून 2019 का अवतरण ('{{KKGlobal}} {{KKRachna |रचनाकार=जयराम दरवेशपुरी |अनुवादक= |संग्र...' के साथ नया पृष्ठ बनाया)
माँगे अइला भोट आज तू
कल्हइ की-की कइला?
जे पत्तल में खइला छक के
ओकरे छेर गेन्हइला
बदल-बदल के रूप कत्ते तू
कउहर-कउहर रोज मचइला
जोंक नियन तू चूस-चूस के
अप्पन तोंद बढ़इला
गेनरा ओढ़ के घी तू पीला
बुद्धू महा बनइला
खोजऽ ही इन्साफ मगज में
लह-लह लाल इंगोरा
इयाद करऽ सोना-सन देशवा
बानी भेल बंगौरा
छलनी-छलनी गाँव-गाँव के
कुरूखेत बनइला
तोंद बढ़ल के पचकइवो अब
सब तोहरा बोकरइबो
तोहनी सब के पकड़ि-पकड़ि के
कुकवत रगड़ लगइबो
अब न´ चलतो चलती तोहर
तू खइला से खइहला।
