भारत की संस्कृति के लिए... भाषा की उन्नति के लिए... साहित्य के प्रसार के लिए
टुटि गेला धिरजा मोर / जयराम दरवेशपुरी
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 00:21, 12 जून 2019 का अवतरण ('{{KKGlobal}} {{KKRachna |रचनाकार=जयराम दरवेशपुरी |अनुवादक= |संग्र...' के साथ नया पृष्ठ बनाया)
सुधिया के उमड़ऽ हइ लोर
टूटि गेलइ धिरजा मोर
भइया हो कनहूँ न लउकऽ हइ इंजोर
चान सुरूज के हइ खउँतल नजरिया
कहाकुप गढ़ऽ हइ कथा नित करिया
कत्ते भेलइ हिरदा कठोर
हँसि-हँसि मनमां के थाहऽ हइ बतिया
खिलिया उड़ावइ रोज दुबरा के पतिया
दुख फइलि छितरइ अछोर
जिनगी भर जोति-कोड़ि करजा चुकइ लूं
मटिये में रहि-रहि उमिर बितइलूं
टभकइ बेआइया से गोड़
उभरल देहिया में सूखल ठठरिया
सपना के आबत दुअरिया
अँखिया में धुरिया दे पोर
कार घटा फार तनि हुलकल इंजोरिया
तनि-तनि लउकऽ लगल भूलल डगरिया
सहमल जुलमी चटोर।
