भारत की संस्कृति के लिए... भाषा की उन्नति के लिए... साहित्य के प्रसार के लिए
मुद्राऽलंकार / दीनदयाल गिरि
Kavita Kosh से
अनिल जनविजय (चर्चा | योगदान) द्वारा परिवर्तित 20:17, 16 जून 2019 का अवतरण ('{{KKGlobal}} {{KKRachna |रचनाकार=दीनदयाल गिरि |अनुवादक= |संग्रह=अन...' के साथ नया पृष्ठ बनाया)
कोई सारस नहिं मिलै मदन बान के बीच ।
मीन केतु की कीच फँसि कुन्द भई मति नीच ।।
कुन्द भई मति नीच निवारी जाय नहिं है ।
जुही समग्री स्याम जपा करनाम सही है ।।
जाती दीनदयाल बिमल बेला सब्बोई ।
ताहि चेतकर-बीर धीर बरने सब कोई ।।६६।।
सो नाहीं नर सुघर है जो न भजे श्री रंग ।
पारावार अपार जग बूड़त भौंर कुसंग ।।
बूड़त भौंर कुसंग ठौर ता महि नहिं पावै ।
सीसहु देत डुबाय भलो हाथहुँ न उठावै ।।
बरनै दीनदयाल रूप हरि को तिहि माहीं ।
ध्यान धरै दृढ़ नाव जानि बूड़त सो नाहीं ।। ६७।।
