भारत की संस्कृति के लिए... भाषा की उन्नति के लिए... साहित्य के प्रसार के लिए
मया ल नई पहिचाने / पीसी लाल यादव
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 22:35, 26 अगस्त 2019 का अवतरण ('{{KKGlobal}} {{KKRachna |रचनाकार=पीसी लाल यादव |अनुवादक= |संग्रह=मै...' के साथ नया पृष्ठ बनाया)
मया ल नई पहिचाने,
मयारूक होके दरद नई जाने।
तोर बात पतिया के, करेंव तोर ऊपर भरोसा,
तोर बर गर दियेंव, तभो दिए तैंहा धोखा।
मया ल माटी कस साने रे,
मया ल नई पहिचाने।
मोर आँसू के गम नहीं, तैं तो रहा हाँसी-खुसी,
तोर सुरता के संग जी के, पहा जही मोर जिनगी।
मया ल रब्बड़ कस ताने रे,
मया ल नई पहिचाने।
मोला बिसवास हे अतका, एक दिन लहुट आबे,
तब को जनी तुलसी ल, हरियर पाबे के नई पाबे।
मोर बात बिगित नई माने रे,
मया ल नई पहिचाने।
चार दिन के हाँसी-खुसी, जिनगी हे चरदिनिया।
मया बिन जिनगी सुन्ना, मरघट हे सरी दुनिया
येला कोनो च कोनो जाने रे,
मया ल नई पहिचाने।
