मन रूम झूम नाचे / पीसी लाल यादव

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

पीसी लाल यादव » मैं माटी महतारी आँव »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

मन रूम-झूम नाचे, सुनके बंसुरिया कान्हा के।
ग्वाल नाचे गोपी नाचे
नाचे गरुवा-बछरू।
राधा-रानी मगन नाचे
बांधे पाँव म घुँघरू।
मन रूम-झूम नाचे, सुनके बंसुरिया कान्हा के।
पाँख पसारे मंजूर नाचे
नाचे चिरई-चिरगुन।
कदम के डारा मुड़ी हलावे
सुन-सुन के मुरली धुन॥
मन रूम-झूम नाचे, सुनके बंसुरिया कान्हा के।
लहर-लहर लहरा के नाचे
जमुना मइया के लाहरा।
सुध-बुध सबो बिसरगे
छुटगे लाज के पाहरा॥
मन रूम-झूम नाचे, सुनके बंसुरिया कान्हा के।
फूल-पान घलो सब नाचे,
नाचे पवन-पुरवाही।
पुन्नी रतिहा फिटिक अंजोरी
चंदा-चंदैनी बगराही॥
मन रूम-झूम नाचे, सुनके बंसुरिया कान्हा के।