भारत की संस्कृति के लिए... भाषा की उन्नति के लिए... साहित्य के प्रसार के लिए
नंदिया के धारी / पीसी लाल यादव
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:28, 26 अगस्त 2019 का अवतरण ('{{KKGlobal}} {{KKRachna |रचनाकार=पीसी लाल यादव |अनुवादक= |संग्रह=मै...' के साथ नया पृष्ठ बनाया)
नंदिया के धारी कभू, लहुटे न संगवारी।
मन-मगन लगन ले, कर बिरो के तियारी॥
धरती दाई के कोरा ओगरे,
झर-झर, झर-झर झिरिया झरे।
दिया तेल बाती तीनों मिल
बिरबिट अंधियारी ल हरे॥
रंग-बिरंगी के फुलवा, ले ममहाय फुलवारी।
नंदिया के धारी कभू, लहुटे न संगवारी॥
दुनिया काहथे तेनो ल सुनले,
सुन के अपन हिरदे म गुन ले।
विवेक के सुपा हाथ म तोर
काड़ी-कचरा बदरा ल फून ले॥
पथरा म पानी ओगराना, करमइता के चिन्हारी।
नंदिया के धारी कभू, लहुटे न संगवारी॥
तर-तर चूहे माथ ले पछीना,
भुईंया म गिरे बन के नगीना।
बाहा-बल म अगास अमराय
सिरतोन जांगर परसादे जीना॥
सुख-दुख के काहे संगी, दूनों के पटय न तारी।
नंदिया के धारी कभू, लहुटे न संगवारी॥
