मायामा फुल्न चाहने फूल / गीता त्रिपाठी

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

गीता त्रिपाठी » थुँगा : वनफूलका »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

आउन मेरो ओठमा हाँस आँखामा फुलेर
नजाऊ फेरि मनमा मेरो छलीझैँ डुलेर
जे छ त्यो मनमा खुलेर भन नलुकाऊ पिरती
तिम्रै छ जप, पूजा र पाठ छ तिम्रै आरती
 
अँधेरी रातमा धिप्धिपे बत्ती आँखामा बल्दछ
सकिए पनि तेलका थोपा आफैँ नै जल्दछ
वसन्तभरि फुलेर हाँस्दै शिशिरमा नभाग
त्यो माया मनको धोका हो भने दिलैमा नराख
 
म कति रोऊँ बस्ने यो बेला खुसीले रमाई
सहारा लिऊँ दुःखको बेला कुन हात समाई
अधुरो माया लगाई जीवन अपूरो नपार
मायामा फुल्न चाहने फूल भुलेर नमार
 
•