चक्र हो जिन्दगी यो / बद्रीप्रसाद बढू

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

बद्रीप्रसाद बढू »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

कैले आफ्नै मृदुल मुटुको धून सम्झी रमाई
कैले एक्लै सरल गतिका गीत गाई कराई
कैले कैले धुरु धुरु रुँदै आँसु धारा बगाई
काटें मैले दिनहरू कठै !! कष्टमा छट्पटाई//१//

कैले कोही सहृदयी हुँदा दुःख साह्रा बिसाएँ
कैले कैले हृदय गतिको भावना पोख्न पाएँ
कैले एक्लै धुरु धुरु रुँदै आँशु धारा बगाएँ
मैले धेरै दिनहरू कठै !! कष्ट खाँदै बिताएँ //२//

मैले आफ्नै सुख र दुखका भावना भोग्न पाएँ
बुझ्दै सोच्दै विचलित नभै कर्म गर्दै रमाएँ /
देख्दै भोग्दै सुख र दुखको मर्म मैले बुझेको
घुम्दै जाने सुख र दुखको चक्र हो जिन्दगी यो//३//