खडेरीले जिमीलाई साह्रै सुकाउँछ / मञ्जुल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

मञ्जुल » दुई हरफ ओठहरू »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

मुस्कान
 
खडेरीले जिमीलाई साह्रै सुकाउँछ
झरी परे त्यै जिमीलाई उर्वर बनाउँछ
आँसु पनि त्यस्तै नै हो यो जीवनका लागि
सङ्घर्षमा बाँच्नु पर्छ कहाँ जाने भागी
 
मेरा लागि ढुकढुक गर्ने मेरो मुटु तिमी
तिमी छैनौ भने छैन मेरो आकाश'जिमी
कैले हुन्थ्यो मलाई भारी मेरो आफ्नै छाया
सारा जीवन काट्ने मन छ बसी दायाँ-बायाँ
 
ऐले मात्र होइन तिम्लाई पैलेदेखि चिन्छु
मर्नु'बाँच्नु जे परे नि तिम्रै साथ दिन्छु
मेरो जीवन मेरो हुन्न तिम्रो साथ विना
मेरो जीवन तिम्रो नासो हुन्न हिनामिना