भारत की संस्कृति के लिए... भाषा की उन्नति के लिए... साहित्य के प्रसार के लिए
दुःखका आँधी, पीरका कथा, रातका कविता / गीता त्रिपाठी
Kavita Kosh से
Sirjanbindu (चर्चा | योगदान) द्वारा परिवर्तित 14:21, 19 मई 2020 का अवतरण ('{{KKGlobal}} {{KKRachna |रचनाकार= गीता त्रिपाठी |अनुवादक= |संग्रह=द...' के साथ नया पृष्ठ बनाया)
अँध्यारो
दुःखका आँधी, पीरका कथा, रातका कविता
रहस्यभित्रै अल्झिए मेरा भूत र भविता
आँखामा बस्ने अनौठो आशा, उज्यालो चहक
भरोसाभित्र रमाई उठ्छन् जीवनको महक
यो कालो-सेतो, आकाश-धर्ती, भीर र पहिरो
त्यो भन्दा पनि मान्छेको मन झन् कति गहिरो
मभित्र पनि अनन्त एउटा उज्यालो छाया छ
त्यै छायाभित्र अमर-सृष्टि धर्तीको माया छ
लिएर आउँछु साँझमा शीतल काखको सिरानी
म जागै बस्छु, छोपेर धर्ती, जन्माउँछु बिहानी ।