गाउँमा कविताहरू ६ / रेमिका थापा

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

रेमिका थापा » गाउँमा कविताहर»

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

गाउँलाई फुर्सद छैन ।
 
आफ्ना बालबच्चाहरू स्कूल पठाएर
आफू एउटा युद्धस्तरीय जिन्दगीको किताब पढ्दैछ

जमानाको पाठशालामा आफ्ना बालबच्चाहरू
के पढ्दैछन् ?
बजारले तात्तातो किताबहरूका
नयाँ नयाँ संस्करण उनीहरूको हात हातमा हालिदिएको छ
आफल ताफल !

गाउँ सोँचमा छ
आत्मविश्वास हराएजस्तो
उ पुरानो मोडलको आदिम संसार हुन्छ
लक्स शैम्पुले धुएको केसजस्तो
सुकिलो र चम्किलो किन छैन गाउँ ?

आफ्ना बालबच्चाहरू भने
घोकिरहन्छन्,
सत्य भनेको हमाम साबुन हो !
सत्य भनेको हमाम साबुन हो !