भारत की संस्कृति के लिए... भाषा की उन्नति के लिए... साहित्य के प्रसार के लिए
थाह छैन दोहोरिन्छ दोहोरिन्न इतिहास / येहुदा अमिसाई / सुमन पोखरेल
Kavita Kosh से
Sirjanbindu (चर्चा | योगदान) द्वारा परिवर्तित 21:44, 20 अगस्त 2020 का अवतरण ('{{KKGlobal}} {{KKRachna |रचनाकार=येहूदा आमिखाई |अनुवादक=सुमन पोखर...' के साथ नया पृष्ठ बनाया)
इतिहास आफैँ दोहोरिन्छ दोहोरिँदैन
थाह छैन मलाई,
तर थाह छ
तिमी एउटै काम दोहोर्याउँदिनौ।
शहर विभाजित भएको सम्झना छ मलाई,
यहुदी र अरबबीच मात्र हैन
तिमी र म एकै भएर बाँचेका बेलामा पनि
हामी दुई मै समेत।
हामी आफैँले सङ्कटको गर्भ रोप्यौँ
हामीले प्रलयकारी युद्धको जगमाथि युद्ध कै घर बनायौँ,
सुदुर उत्तरका मान्छेले झैँ
जो मृत्यु बोकेका हिउँ जोडेर सुरक्षित न्याना घर बनाउने गर्छन्।
शहर त फेरि एक ढिक्को भएको छ,
तर हामी एकसाथ छैनौँ।
अब भने थाह पाएँ मैले
इतिहासले दोहोर्याउँदैन आफैँलाई।
तिमी एउटै काम दोहोर्याउँदिनौ भन्ने त थाह छँदै थियो।
