भारत की संस्कृति के लिए... भाषा की उन्नति के लिए... साहित्य के प्रसार के लिए
जब तिमी आउनेछौ / रिता साञ्चियोनी / सुमन पोखरेल
Kavita Kosh से
Sirjanbindu (चर्चा | योगदान) द्वारा परिवर्तित 20:13, 21 अगस्त 2020 का अवतरण ('{{KKGlobal}} {{KKRachna |रचनाकार=रिता साञ्चियोनी |अनुवादक=सुमन पो...' के साथ नया पृष्ठ बनाया)
तिमी यस खोलबाट निस्कने छौ
हाँगाबाट निहुरिएर मलाई हेर्नेछौ
मौसम सकिएपछि बाँकी रहेको एक मात्र फल
बतास र वर्षाको थकित खेलौना ।
मेरो बोधोपनको बास्नालाई पखाल्ने छौ
र आफ्ना आँखाको भेनिला ओढाउने छौ तिमी
हामी गहूँका दाना र छवालीका मुठाबाट निस्कने अदृष्य बाफ हुनेछौँ
मौरीका गाँस र भुनभुनाहटका रुवाइ हुनेछौँ ।
जीवनदायी जलले सिञ्चेर
सम्पूर्ण बगैँचालाई उर्वर बनाउने छौँ हामी ।
चराका झुन्डहरू फक्रिनेछन
फूलका पुङ्केशरहरू उक्सिएर बाहिर निस्कने छन्
र तातो रगतले सर्पहरूलाई ब्यूँझाउनेछ ।
प्रेमको भ्रान्ति, आदिम रीति
तिमीलाई थाह छ
यसको व्याख्या हुन सक्दैन ।
...........................................................................
(मूल इटालियनबाट मार्गारेट स्येनले गरेको अङ्ग्रेजी अनुवादबाट सुमन पोखरेलद्वारा नेपालीमा अनूदित)
