एउटा मान्छे / मोहम्मद अलरामादी / सुमन पोखरेल

• हिन्दी/उर्दू
• अंगिका
• अवधी
• गुजराती
• नेपाली
• भोजपुरी
• मैथिली
• राजस्थानी
• हरियाणवी
• अन्य भाषाएँ

मोहम्मद अलरामादी » सुमन पोखरेल» धरतीका रङ्गहरू »

Script

• Devanagari
• Roman
• Gujarati
• Gurmukhi
• Bangla
• Diacritic Roman
• IPA

एक हुल मानिसहरू झुम्मिए सपनाको ढोकामा
तँछाडमछाड गर्न थाले तिनीहरू
त्यस पवित्र सपनाभित्र पस्न भनेर
जान नपर्नेहरूलाई रोक्नका लागि उभिएँ म त्यहाँ,

सपनाको कोठाभित्र
प्रार्थना गरिरहेथ्यो एउटा मानिस
नबुझिने शब्द बरबराउँदै
छेड्न खोज्दै थियो समयको गारोलाई
नाघ्न खोज्दै थियो बह्माण्डको पर्खाल
सबैभन्दा गोप्य रहस्यसम्म पुग्ने अभिष्टले।

हजारौँ वर्षदेखि कोशिस गरिरहेछ ऊ
तर पुगेको छैन अझै।
विष्मित छन् उसको यत्न देखेर
उसलाई पहरा दिइरहेका देवदूत र अप्सराहरू,
र सोचिरहेछन्
कति मूर्ख रहेछ यो बुद्धिमान मानिस
यो मानवजाति।