भारत की संस्कृति के लिए... भाषा की उन्नति के लिए... साहित्य के प्रसार के लिए
को हौ तिमी? / यू.आर.अनन्तमूर्ति / सुमन पोखरेल
Kavita Kosh से
Sirjanbindu (चर्चा | योगदान) द्वारा परिवर्तित 20:54, 23 अगस्त 2020 का अवतरण ('{{KKGlobal}} {{KKRachna |रचनाकार= |अनुवादक=सुमन पोखरेल |संग्रह=भार...' के साथ नया पृष्ठ बनाया)
लण्डनमा, ‘तिमी को हो” भनेर कसैले सोध्दा
“म इन्डियन हुँ’, मानौँ
‘म पाकिस्तानी हैन’ भन्न खोजेझैँ।
दिल्लीमा, म कन्नाडिगा हुँ
बैङ्गलोरमा, मलन्दी
शिमोगामा, म तिर्थालीको हुँ
तिर्थालीमा, म मेलिगमा जन्मेको
मेलिगमा सोध्ने आवश्यकता छैन
म यो जातको हुँ, फलानाको छोरो
म माथिका सबै हुँ, कुनै प्रयत्नबिना
मलाई त्यस्तो लागेकोमा क्षमा गर्नु होला।
मेरी हजुरआमा स्वर्गे हुनुभो’,
वहाँकी हजुरआमाजसरी,
देउताको कोठामा भएको अङ्खोराको
गङ्गाजल खाएपछि मात्र।
गङ्गा अझै छिन्
त्यही काइलागेको अङ्खोरामा ।
मेरो जसरी ठेगाना बताउनुपरेको थिएन हजुरआमाले
न त याज्ञवल्क्यले नै बताउनुपरेको थियो ।
प्रणाम! ती तमाम प्राचीन वृत्तान्तलाई।
