भारत की संस्कृति के लिए... भाषा की उन्नति के लिए... साहित्य के प्रसार के लिए
ढुङ्गे समयका खुड्किलाहरू / रञ्जना मिश्र / सुमन पोखरेल
Kavita Kosh से
Sirjanbindu (चर्चा | योगदान) द्वारा परिवर्तित 09:59, 2 सितम्बर 2020 का अवतरण ('{{KKGlobal}} {{KKRachna |रचनाकार=रंजना मिश्र |अनुवादक=सुमन पोखरेल...' के साथ नया पृष्ठ बनाया)
तिम्रो अनुपस्थितिको एक छेउ समातेर
त्यस ढुङ्गे समयका कयौँ खुड्किला ओर्लने गर्छु
जसको पर्तिरपटी
समयबाट टुक्रिएर झरेको
एउटा क्षण अहिले पनि कामिरहन्छ
एउटा मौन उपस्थिति छ त्यहाँ
जहाँ पुल थियो हामीबीच बग्दै गरेका शब्दहरूको
अझै पनि जस्ताको तस्तै बिसाइरहेको
पर समुद्रमा कतै लङ्गर लगाएर बसिरहेको
कुनै निर्जन जहाजजस्तै ।
साँच्चै भन्नु हो भने,
तिम्रो अनुपस्थितिको लामो आवतजावतमा
मौनलाई बढी साकार भेट्टाएकी छु मैले
र यही मौनमा साकार हुने गर्छौ
तिमी पनि ।
सुन, अचेल मेरो प्रतीक्षा पाकेर थकित हुँदैन
मात्र रङ्ग फेरिरहन्छ
वसन्तको चम्किलो रङ्ग
पातमा खसेर बगेजसरी,
केवल यस्तो सोचेर-
के थाह, कतै तिमी आएर
यी हत्केलामा
हाम्रो मिलन हुने
मिति लेखेर जाने पो हौ कि ।
