भारत की संस्कृति के लिए... भाषा की उन्नति के लिए... साहित्य के प्रसार के लिए
जेकब री नाळ / लुईज़ा ग्लुक / मीठेस निरमोही
Kavita Kosh से
अनिल जनविजय (चर्चा | योगदान) द्वारा परिवर्तित 19:59, 15 अक्टूबर 2020 का अवतरण ('{{KKGlobal}} {{KKRachna |रचनाकार=लुईज़ा ग्लुक |अनुवादक=मीठेस निरम...' के साथ नया पृष्ठ बनाया)
भू लोक रै छळ - छंदां उळूज्योड़ा
कांई थें को सिधावणी चावौ नीं सुरग ?
म्हैं एक लुगाई रै बगीचा में रैवणियौ
म्हनै माफी बगसावै साहिबा
लाळसा म्हारै फुटरापै नै हर लीन्हौ
म्हैं वौ कोनीं जिणनै थें आपरै
मन- मिंदरिये थरप लियौ हौ
पण सगळा रा सगळा लोग - लुगाई
एक दूजै री चावना में जीवै है
म्हैं ई सुरग रै ग्यांन री इंछा पाळयोड़ौ हूँ
अबै थांरौ संताप,
जांणै एक रूंखड़ै री पानड़ां विहूंणी डाळ
परकोटै री खिड़की तांईं पूग रैयी है
अर अंत-पंत ई कांईं ?
नखत री गळाई एक फीरोजी फूल
इण दुनिया नै कदैई को तजै नीं
कांई औई थांरै आंसुवां रौ अरथ नीं है?
कविता रौ राजस्थांनी उल्थौ : मीठेस निरमोही
