गइल भइसिया पानी मे / जयशंकर प्रसाद द्विवेदी

यदि इस वीडियो के साथ कोई समस्या है तो
कृपया kavitakosh AT gmail.com पर सूचना दें

राजनीति कS चकरी घूमल
आग लपेटल घानी में।
गइल भंइसिया पानी में॥

बागड़ बिल्ला नेता बनिहें
करिया अक्षर बेद बखनिहें
केहु के कब्जावल माल पर
मार पालथी शान बघरिहें।

कुरसी से जब पेट भरल ना
खइलस चारा सानी में।
गइल भंइसिया पानी में॥

मचल करी ई हाहाकार
करिहें कुल उलटा ब्योपार
मरन अपहरन राहजनी पर
एहनिन के सउसे अधिकार।

जनता तभियो जै-जै बोली
छवनी छइहें रजधानी में।
गइल भंइसिया पानी में॥

नीमन जन, घर छोड़ परइहें
उनका पीछे उहवों जइहें
लूट पाट भा हेरा फेरी
ई खेला न कबों भुलइहें।

सरल कहाँ बा इनके बुझल
रेकड़ तुरिहें बैमानी में।
गइल भंइसिया पानी में॥
भूखे पेट घास के रोटी
पानी बिना गुथे ना चोटी
साले साल गरज पर करजा
नाही निभे घरे में बेटी

अब्बो ले डड़वार बनल ना
भइल छेद ओरियानी में।
गइल भंइसिया पानी में॥

कविता कोश रंगोली

रचनाकारों की सूची

टाइपिंग टूल्स

फ़ॉन्ट परिवर्तक

विधाएँ

संकलन

अनुवाद

काल-आधारित

लोकगीत

विषय

प्रादेशिक कविता कोश

अन्य महत्त्वपूर्ण पन्ने

दिक्चालन सूची

दर्शाव

वैयक्तिक औज़ार

गइल भइसिया पानी मे / जयशंकर प्रसाद द्विवेदी

» संकलन

» अनुवाद

» विभाग

» प्रादेशिक कविता कोश

» अन्य महत्त्वपूर्ण पन्नें

खोज

साधन पेटी

इस पन्ने को शेयर करें

हमसे जुड़ें

कविता कोश

सर्वर होस्टिंग