भारत की संस्कृति के लिए... भाषा की उन्नति के लिए... साहित्य के प्रसार के लिए
आशा द्वारी पर खाड़ोॅ हम्में / जटाधर दुबे
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 23:54, 25 मार्च 2021 का अवतरण ('{{KKGlobal}} {{KKRachna |रचनाकार=जटाधर दुबे |अनुवादक= |संग्रह=ऐंगन...' के साथ नया पृष्ठ बनाया)
कहिया सें टेरै छी रसता
चौंके छी हर आहट पर,
देखी केॅ हुनका तड़पी उठलां
व्याकुल मन सिसकी उठलै।
सूनापन हमरा खलेॅ छै
पागलपन हमरोॅ बढ़ै छै,
बार-बार मन ई हमरोॅ
देखी केॅ तोरा सिहरै छै।
तोरोॅ पावन चरणोॅ के पड़थैं
आलोड़ित होय छै हमरोॅ कण-कण,
तोंय गीत बनोॅ हम्में सुनबैया
आबी सुरभित करि दे हमरोॅ तन-मन।
काँटा के पथ पर छी हम्में
बालू के कण-कण पर हम्में,
लहर-लहर पर छहरौं हम्में
आवोॅ आशा द्वारी पर खाड़ोॅ हम्में।
