भारत की संस्कृति के लिए... भाषा की उन्नति के लिए... साहित्य के प्रसार के लिए
बरसी-बरसी गेलै नैन / कुमार संभव
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 00:07, 26 मार्च 2021 का अवतरण ('{{KKGlobal}} {{KKRachna |रचनाकार=कुमार संभव |अनुवादक= |संग्रह=ऋतुव...' के साथ नया पृष्ठ बनाया)
कोय नै समझै हमरोॅ आँखी के भाषा
हमरोॅ विहग मन में भरलोॅ छै आशा,
हुनका बिन वसंत खांटी परती लागै
छीनी-छीनी गेलै चैन,
बरसी-बरसी गेलै नैन।
गोड़ोॅ रोॅ पायल खुली-खुली बोलै
छिपलोॅ भेद ज़िया के खोलै,
सतवंती तिरिया रं घूंघट काढ़ी
करी-करी बोलै सैन,
बरसी-बरसी गेलै नैन।
कखनूँ पछिया, कखनूँ पुरबा बहै छै
मार संभार सब ई देहें सहै छै,
लंपट मार हवा रो एैन्होॅ
चाही नै निकलै बैन,
बरसी-बरसी गेलै नैन।
वसंत वाण से छै तन मन बिंधलोॅ
काम कमान पर छै हर पल तनलोॅ,
अंतिम आस वसंत पर ही छै हमरोॅ
लानतै खोजी वैद्य सुषैण,
बरसी-बरसी गेलै नैन।
