भारत की संस्कृति के लिए... भाषा की उन्नति के लिए... साहित्य के प्रसार के लिए
सुग्गा / अनिरुद्ध प्रसाद विमल
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 15:52, 28 मार्च 2021 का अवतरण ('{{KKGlobal}} {{KKRachna |रचनाकार=अनिरुद्ध प्रसाद विमल |अनुवादक= |स...' के साथ नया पृष्ठ बनाया)
मीट्ठोॅ बोली बोलै सुग्गा राम,
बोलें रे बुतरू सीता राम।
लाल लाल छै हेकरोॅ ठोर
करतें रहतौं हरदम शोर,
रंग हरा देहोॅ के एकरोॅ
कजरी जैसनौं हरा कचोर।
फुदकी-फुदकी डाल-डाल पर
कुतरी-कुतरी फल खावै के काम,
मीट्ठोॅ बोली बोलै सुग्गा राम।
कŸोॅ सुन्नर लागै ऐकरोॅ लोल
थिरकै हरदम करै किलोल,
अगरैलोॅ छै रूपोॅ से भरलोॅ
हरदम बोली-बोलै छै अनमोल।
गोल-गोल मोती रं आँखोॅ में
घूमै पल-पल भगवानोॅ के नाम,
मीट्ठोॅ बोली बोलै सुग्गा राम।
प्यारो सुन्नर देखै में सुग्गा
विरही मन के संदेश सुग्गा,
कटलै जंगल गाछ-बिरिछ सब
देखबोॅ मुश्किल होलै सुग्गा।
धरती कानै की होतै हो राम
मीट्ठोॅ बोली बोलै सुग्गा राम,
धरती के छाती फाटै हो राम।
