भारत की संस्कृति के लिए... भाषा की उन्नति के लिए... साहित्य के प्रसार के लिए
रहबै कनाँ / त्रिलोकीनाथ दिवाकर
Kavita Kosh से
सशुल्क योगदानकर्ता ५ (चर्चा | योगदान) द्वारा परिवर्तित 00:00, 18 नवम्बर 2021 का अवतरण ('{{KKGlobal}} {{KKRachna |रचनाकार=त्रिलोकीनाथ दिवाकर |अनुवादक= |संग...' के साथ नया पृष्ठ बनाया)
उमड़ै छै गांग पिया रहबै कनाँ
काँपै छै धोॅर पिया सधबै कनाँ
तिरपालो के छैया तर मन हहराबै
सूरजो के धावों से तन लहराबै
मक्खर के डंक पिया सहबै कनाँ
काँपै छै धोॅर पिया सधबै कनाँ।
सांे सांे सुहकै छै पछिया के झपटी
फों-फों फुफकै छै खटिया संे लपटी
साँपों के संग पिया सुतबै कनाँ..
काँपै छै धोॅर पिया सधबै कनाँ।
हुकरै छै गैया बकरियो मिमयाबै
बुतरू सब ढन-ढन थरिया डेंगाबै
पानी से पेट पिया भरतै कनाँ
काँपै छै धोॅर पिया सधबै कनाँ।
