भारत की संस्कृति के लिए... भाषा की उन्नति के लिए... साहित्य के प्रसार के लिए
ताप / दीपा मिश्रा
Kavita Kosh से
Sharda suman (चर्चा | योगदान) द्वारा परिवर्तित 17:21, 18 जुलाई 2023 का अवतरण ('{{KKGlobal}} {{KKRachna |रचनाकार=दीपा मिश्रा |अनुवादक= |संग्रह= }} {{KKCa...' के साथ नया पृष्ठ बनाया)
रातिक दू बजैत छल
साओर संबंधिक
सब चलि गेल छल
चारि दिन पूर्व
बेटाक विवाह भेल छलैन
पाइन पीबाक लेल उठलीह
पुतौहु आ बेटाक केवाड़सँ
अबाज अबैत सुनलैन्ह
कतेक बरखक बाद
किछु मोन पड़लैन
बुझेलैन जे हुनक भीतर
एकटा स्त्री सेहो छैन
बारह वर्ष पूर्व
ओहि घटनाक बाद
ओ बस बेटाकेँ बनाबयमे
अपनाकेँ झोंकि देने छलीह
हाथमे पकड़ल
गिलास राखि देलैन
झरनाक नीचा ठाड़ भऽ गेलीह
आब पाइन आगि
किछुक भान नै छलन्हि
ई ताप ओना पाइनोसँ
मिटाइ बला नहि छल
ई बात बुझबाक आवश्यकता
समाजकेँ कहियो नहि भेल
ओ कहियो ई कहाँ सोचलक
विधुर पुनर्विवाह कऽ
नब जीवन पबैत छलाह
सबटा नियम परंपरा
रूढ़िवादिताक हथकड़ी
वैधव्य केँ पहिरा देल गेल
