भारत की संस्कृति के लिए... भाषा की उन्नति के लिए... साहित्य के प्रसार के लिए
गतिरोध / सुमन पोखरेल
Kavita Kosh से
Sirjanbindu (चर्चा | योगदान) द्वारा परिवर्तित 17:03, 25 अगस्त 2024 का अवतरण ('{{KKGlobal}} {{KKRachna |रचनाकार=सुमन पोखरेल |अनुवादक= |संग्रह=इत्...' के साथ नया पृष्ठ बनाया)
थकाइ मार्नुपर्छ काहिलेकाहीँ
अस्तित्वमा हुनेहरूले ।
निरन्तर चलायमान पानीले
थकाइ मार्छ हिमालका टाकुरामा पुगेपछि
नदीको यात्रामा पनि थकाइ मार्छ
ढुङ्गाको आड लागेर वा किनारतिर ढल्किएर कहिलेकाहीँ
र लमतन्नत सुस्ताउँछ सागरमा पुगेपछि
अर्को यात्रा शुरू गर्नुअगाडी ।
तर सहज छैन समयलाई थकाइ मार्न
रोकिन सक्दैन ऊ, आफ्नो चाहनाले
फलैँचामा बिसाउन पाउँदैन आफूलाई
न त जोगी भएर बस्न पाउँछ एकछिन ।
तर थकाइ त मार्नैपर्छ होला
समयले पनि कहिलेकाहीँ ।
र
त्यसका लागि
के उपाय गर्छ होला उसले ?
